ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ) : ਨਵਾਸ਼ਹਿਰ ਪੁਲਿਸ ਨੇ ਇਕ ਵਿਸ਼ੇਸ਼ ਨਾਕਾਬੰਦੀ ਦੇ ਦੌਰਾਨ ਇਕ ਕਰੇਟਾ ਕਾਰ ਚਾਲਕ ਨੂੰ ਗਿਰਫਤਾਰ ਕਰਕੇ ਉਸ ਦੀ ਨਿਸ਼ਾਨਦੇਹੀ ਤੇ 28 ਕਿਲੋ 80.46 ਗ੍ਰਾਮ ਅਫੀਮ ਬਰਾਮਦ ਕੀਤੀ | ਪੁਲਿਸ ਨੇ ਕਰੇਟਾ ਚਾਲਕ ਦੇ ਖਿਲਾਫ ਐਨਡੀਪੀਐਕਟ ਦੇ ਅਧੀਨ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ |
ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਐਸਐਸਪੀ ਮਹਿਤਾਬ ਸਿੰਘ ਨੇ ਦੱਸਿਆ ਕਿ ਸੀਆਈਏ ਸਟਾਫ ਦੇ ਇੰਚਾਰਜ ਇੰਸਪੈਕਟਰ ਨੀਰਜ ਚੌਧਰੀ ਦੀ ਅਗੁਵਾਈ ਵਿੱਚ ਪੁਲਿਸ ਪਾਰਟੀ ਨੇ ਮਹਾਲੌ ਬਾਈਪਾਸ ਤੇ ਵਿਸ਼ੇਸ਼ ਨਾਕਾਬੰਦੀ ਕੀਤੀ ਹੋਈ ਸੀ ਕਿ ਇਸੇ ਦੌਰਾਨ ਨਵਾਂਸ਼ਹਿਰ ਸਾਈਡ ਤੋ ਬੰਗਾ ਦੇ ਵੱਲ ਜਾ ਰਹੀ ਕਰੇਟਾ ਕਾਰ ਨੂੰ ਸ਼ੱਕ ਦੇ ਆਧਾਰ ਤੇ ਰੋਕ ਕੇ ਤਲਾਸ਼ੀ ਲਈ ਗਈ ਤਾਂ ਕਾਰ ਦੇ ਗੇਅਰ ਲੀਵਰ ਕੋਲੋ ਬਣੇ ਖਾਨੇ ਕੋਲੋ 50.46 ਗ੍ਰਾਮ ਅਫੀਮ ਬਰਾਮਦ ਹੋਈ | ਇਸ ਤੋ ਬਾਦ ਤਫਤੀਸ਼ ਦੇ ਦੌਰਾਨ ਕਾਬੂ ਕੀਤੇ ਗਏ ਕਥਿਤ ਆਰੋਪੀ ਇੰਦਰਜੀਤ ਸਿੰਘ ਨੇ ਦੀ ਨਿਸ਼ਾਨਦੇਹੀ ਤੇ ਉਸਦੇ ਆਪਣੇ ਘਰੋ ਪਿੰਡ ਚੱਕ ਠੱਠੀਆ ਥਾਣਾ ਬਿਆਸ ਤੋ 6 ਕਿਲੋ 870 ਗ੍ਰਾਮ ਅਫੀਮ ਬਰਾਮਦ ਹੋਈ | ਕਥਿਤ ਆਰੋਪੀ ਨੇ ਇੰਦਰਜੀਤ ਨੇ ਦੱਸਿਆ ਕਿ ਉਹ ਪਿਛਲੇ ਕੁੱਝ ਸਮੇਂ ਤੋ ਅਫੀਮ ਦੀ ਸਪਲਾਈ ਦਾ ਕੰਮ ਕਰਦਾ ਹੈ | ਨਵਾਂਸ਼ਹਿਰ ਦੇ ਸਲੋਹ ਰੋਡ ਨਿਵਾਸੀ ਦਵਿੰਦਰ ਉਰਫ ਲਾਲਾ ਨੇ ਉਸ ਕੋਲੋ ਅਫੀਮ ਮੰਗਵਾਈ ਸੀ | ਜਿਸ ਨੂੰ ਥਾਣਾ ਦੇ ਰਾਹੋ ਦੇ ਪਿੰਡ ਕੰਗ ਵਿੱਚ ਦਵਿੰਦਰ ਕੁਮਾਰ ਦੇ ਘਰ ਵਿੱਚ ਬਾਲਟੀ ਵਿੱਚ ਪਾ ਕੇ ਗੇਟ ਦੇ ਕੋਲ ਦੱਬ ਦਿੱਤਾ ਸੀ | ਪੁਲਿਸ ਨੇ ਇੰਦਰਜੀਤ ਦੀ ਨਿਸ਼ਾਨਦੇਹੀ ਤੇ ਪਿੰਡ ਕੰਗ ਤੋ 21ਕਿਲੋ 160 ਗ੍ਰਾਮ ਅਫੀਮ ਬਰਾਮਦ ਕੀਤੀ | ਕਥਿਤ ਆਰੋਪੀ ਦਵਿੰਦਰ ਉਰਫ ਲਾਲਾ ਦੇ ਖਿਲਾਫ ਵੀ ਮਾਮਲਾ ਦਰਜ ਕਰਕੇ ਉਸਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਗਈ ਹੈ | ਪੁਲਿਸ ਕਥਿਤ ਆਰੋਪੀ ਨੂੰ ਲਾਲਾ ਨੂੰ ਫੜਨ ਲਈ ਲਗਾਤਾਰ ਛਾਪਾਮਾਰੀ ਕਰ ਰਹੀ ਹੈ | ਇਸ ਮੌਕੇ ਤੇ ਐਸਪੀਡੀ ਸਰਬਜੀਤ ਸਿੰਘ .ਡੀਐਸਪੀ ਡੀ ਨਿਰਮਲ ਸਿੰਘ ਵੀ ਮੌਜੂਦ ਸਨ |